Ég ólst upp við það að talað var um að íbúar væru nú fleiri en í fyrra, veðrið væri betra en í fyrra eða jafnvel verra en síðustu árin. Þá var líka alltaf sagt að eitthvað væri verra en eða meira en, stærra en eða minna en eitthvað annað.
Nú er algengt að nota alls kyns miðstig af orðum án þess að nefna viðmiðunina. Okkar kjöt er betra, okkar verð er lægra og svo framvegis - og maður fær ekki að vita betra eða lægra en hvað. Þetta finnst mér slæmur siður. Miðstig er auðvitað til sjálfstætt, en þá er jafnan stuðst við viðmiðun eða hliðstæðu í annarri setningu. Siggi á afar góðan bíl en mér finnst minn betri. Gunna komst hátt upp í fjallið en Ari komst talsvert hætta. En þegar sagt var að frúin hlægi í betri bíl frá Bílsölu Guðfinns hafði maður ekki hugmynd um það hvernig hinn bíllinn var, sem lakari taldist.
En nú er komin ný vitleysa í samabandi við betri enn og verri en. Ég hef tekið eftir þessu sérstaklega í Svæðisnuddinu (sem heitir núna opinberlega Útvarp Norðurlands). Þar er sagt aftur og aftur meira miðað við í stað meira en. Atvinnulausir eru sagðir 10% fleiri miðað við sama tíma í fyrra. Ekki 10% fleiri en í fyrra.
Mér finnst þetta einfaldlega kolvitlaust.
RE: Fleiri en og færri en
Björn I. - 17.03.2009 08:27 - bjornai[hjį]internet.isJá, þetta er auðvitað kolvitlaust. Ég vil samt gefa plús fyrir orðið fleiri. Sumir fréttamiðlar mundu hiklaust segja að 10% aukning hefði orðið á atvinnulausum miðað við sama tíma í fyrra.
Orð eru varasöm í meðförum. Það sást í Mogganum í gær á bls. 11. Þar var frétt um 95 ára árstíð Árna Helgasonar í Stykkishólmi. Væntanlega hefur átt að standa þarna ártíð, þótt það væri að vísu kolvitlaust orð í þessu samhengi, og svo laumast þetta s inn í orðið og gerir óskundann ennþá verri.
Blaðamenn mættu alveg gæta betur orða sinna.