Rabarbari ca 4-5 leggir
200 gr smjör
1 msk marsipan
2 dl sykur
1 tsk lyftiduft
2 egg
2 dl hveiti
vanillusykur
Þvoið rabarbarann og hreinsið, brytjið í 1-2 cm þykkar sneiðar. Setjið í eldfast form, vel botnfylli eða að vild.
Bræðið smjör ásamt marsipani í potti, látið ekki sjóða. Bætið útí sykri, lyftidufti, eggjum hveiti og vanillusykri. Blandið vel saman. Hellið deiginu yfir rabarbarann. Bakið við 170 ° í 25-30 mín eða þangað til pæið er orðið gulleitt að ofan.
Gott er að setja kókósmjöl, engifer eða kanil til tilbreytingar. Einnig má nota epli með rabarbaranum.
Ef komið er fram í ágúst er gott að strá 1 msk af sykri yfir rabarbarann í forminu og láta bíða í nokkrar mínútur áður en deigið er látið yfir. Rabarbari verður súrari eftir því sem á sumarið líður.
